التوكل على الله

بسم الله الرحمن الرحيم
السلام عليكم ورحمة الله وبركاته

سؤال بس تجاوب بصراحة انت متوكل على مين؟؟؟؟؟؟؟؟؟؟؟؟
طيب يعنى ايه توكل اصلا؟؟؟؟؟؟؟؟؟؟
التوكل:يعنى اظهار العجز والاعتماد على غيرك
طيب السؤال تانى:
انت متوكل على مين؟؟؟؟؟؟؟؟؟؟
معتمد على مين على نفسك وقدراتك وصحتك وشبابك وسلطتك وكرسيك ومنصبك واقاربك ونسيابك واصدقائك و..و..و..

-
قد يجعل الله الناس سببا لقضاء احدى حوائجنا ولكن نتيجه لضعف ايمانا وجهلنا بقدرة المولى (الا ما رحم ربى) نجدنا نتعلق بالاسباب ونعتقد ان نفعنا وضرنا بأيدهم وننسى المولى وقدرته
وامثله لذلك مثلا عندما يكون لك مصلحه فى احدى المصالح الحكوميه او الكليات العمليه وامتحانات الشفوى
فتجدنا نعتقد ان الامر والدرجه والاسئله بيد الدكتور وتدخل الامتحان وانت مرعوب وكل اللى يعرف الدكتور يقولك دا انتا والدتك داعية عليك دا الدكتور مش ممكن صعب جدا فتخاف طبعا وتدخل وانت معتقد انه هو اللى بيده نجاحك وسقوطك ونسينا ان دكتور الشفوى نفسه عبد من عباد الله يمكن ان يسلطه الله عليك ويمكن ان يجعله جند من جنوده يساعدوك قلبه بيد الله ولسانه وفكره حتى اسئلته الله من يضعها فى ذهنه!!!!!

قس على ذلك كل امورك وحياتك معتمد فيها على مين؟؟؟؟؟؟

طيب مثال كمان:::::::::::
ربنا رزقك بأعلان فى الجرائد عن وظيفة وقدرا عرفت ان والد صاحبك بيشتغل هناك فخدت الكرت بتاعه عشان يتوسطلك طول الليل عمال تفكر فى الكرت والراجل ومطمن ان الراجل خلاص هيعينك هيعينك!!!!!!!!!!
ونسيت ان الراجل والمدير والشركة كلها بيد الله وحده وان الوظيفه رزق ومش هتاخد غير رزقك حتى لو اتوسطلك الوزير.

ياشباب يابنات رزقنا بأيد ربنا وبس مش فى أيد معارفينا واصدقائنا ومنصبنا.
رزقنا مكتوب عنده سبحانه هتاخده هتاخده ان شاء الله .

وحاجه مهمه كمان كل الناس كلهم كلهم قلوبهم بين يدى الله يقلبهم كيف يشاء ونواصيهم بيده سبحانه.

هو اللى قادر يحنن قلب والد البنت اللى عايز تخطبها حتى لو انت شايف انه مستحيل يوافق.

هو اللى قادر يخلى والدك يوافق انك تلتحى او تلبسى النقاب.

هو اللى قادر يبعد اذى فلان وعلان عنك.

هو اللى قادر ينجحك حتى فى اصعب المواد.

ربنا وبس

طيب حلنا ايه؟؟؟؟؟؟؟؟؟؟؟؟؟؟
حلنا اننا ندعى ربنا كتير جدا جدا جدا ونثق فيه ونعتمد عليه ونتوكل عليه ونرجوه ونتوسل اليه وحده فقط.

فعلق قلبك بالله وحده دون سواه وادعوه مخلصا لقضاء حاجتك فهو من بيده ضرك ونفعك اذا تولاك لا تذل ابد واذا اذلك لا تعز الا اذا شاء سبحانه
واعلم انه لا حول ولا قوة الا بالله وحده انسلخ من حولك وقوتك الى حول الله وقوته اجعله سبحانك يرى منك الاستسلام والخضوع والتسليم له وحده سبحانه وسوف تجد كل ما يسرك ان شاء الله وتذكر:
لا حول ولا قوة الا بالله

أسأل الله لكم النجاح والتوفيق




ـــــــــــــــــــــــــ

تسلم ايدك


فعلا موضوع رائع